Teen Janam Leti Hai Nari

Log Kehte Hai...
Teen Janam Leti Hai Nari,
Pehla Jab Aati Hai Jahaan Mein,
Apne Purv Janam Ki Yaadein Leker,
Hasti Hai.. Roti Hai...
Dheere Dheere Bhool Jaati Hai,
Kya Thi Vo,
Hass Ker Ro Ker,
Apnati Hai Apne Naye Pariwaar Ko,
Maa Ne Barho Ka Aader Sikhaya,
Baap Ne Duniya Ka Dastoor Samjhaya,
Hath Pakerh Ker Chalna Sikhaya,
Parhna Likhna Bolna Sikhaya,
Apni Jindagi Jeena Sikhaya,
Haste Khelte Beet Gaye Itne Saal,
Ab Hull Kero Dusre Janam Ka Sawaal...

Doosra Janam Jab Hoti Hai Beedai,
Kisi Anjane Ke Hath Jab Jati Hai Pakrhai,
Hasti Hai... Roti Hai,
Dheere Dheere Bhool Jaati Hai,
Kahaan Thi Vo,
Hass Ker Ro Ker,
Apnati Hai Apne NAye Pariwaar Ko,
Ma Milke Bhi Maa Na Ho Saki,
Baap Ho Ke Bhi Baap Ki Kami Lagi,
Ek Uske Hone Ka Eham Tha Hume,
Jiske Hone Ki Kami Si Lagi,
Jo Sikha Tha Sab Ker Liya,
Fir Bhi Aakhon Mein Nami Si Lagi,
Aa Gya Mausam Teesre Janam Ka,
Fir Ek Umeed Jagne Si Lagi...

Teesra Janam Jab Nanhi Pari Mere Ghar Aayi,
Fir Se Jaag Gyi Umeed Jeene Ki,
Hasne Ki Rone Ki,
Dheere Dheera Sab Bhool Jaane Ki,
Kaisi Thi Vo,
Hass Ker Ro Ker,
Kho Gayi Apne Naye Pariwaar Mein,
Fir Bhi Sukoon Nahi Hai,
Umeed Hai Kuch Behter Hone Ki,
Kuch Kho Ker Kuch Paane Ki,
Ik Naye Ashiyaane Ki,
Kahi Door... Bahut Door,
Per Jaanta Hai Ye Dil,
Ye Nahi Mumkin,
Ab To Bass Intejaar Hai To Pehle Janam Ka...

"Tarni"